pdf زاد الطالبین شروحات برائے درجہ ثانیہ

 زاد الطالبین کی اردو عربی شروحات.طلباء کرام کی سہولت کے لیے اس پیج پر فراہم کی جارہی ہیں۔ باآسانی اس پیج سے ڈاؤن لوڈ کی جاسکتی ہیں۔ زاد الطابین درس نظامی میں پڑھائی جانے والی حدیث مبارکہ کی مبتدی کتب میں سے ایک ہے۔اس پر لکھی جانے والی شروحات بھی کثیر ہیں۔ اکثر شروحات اس پیج پر موجود ہیں۔

زاد الطالبین شروحات برائے درجہ ثانیہ

 د،زیر نظر کتاب زاد الطالبین  الشیخ مولانا عاشق الہی البرنی رحمہ اللہ رحمہ واسعہ کی تالیف ہے۔حضرت مولانا عاشق الہی صاحب برنی ہمارے اکابر میں سے ہیں۔ ان کے قلم سے بیسیوں علمی، تحقیقی ، اور اصلاحی کتا بیں نقل کی جاچکی ہیں، طویل عرصہ تک تدریس سے منسلک رہے ہیں۔ جس کی وجہ سے مروجہ نصاب تعلیم کے حسن و قبح پر ان کی گہری نظر ہے۔ انہوں نے “زاد الطالبین من کلام رسول رب العالمین کے نام سے۔ ایک مختصر کتاب لکھی تھی۔ اس کتاب کے کئی فائدے واضح طور پر محسوس کئے گئے۔ ایک تو یہ کہ ابتدائی درجات ہی سے طلباء کو ذوق ہو جاتا ہے۔ اگر چہ با قاعدہ کتب حدیث دیر سے شروع ہوتی ہیں۔ دوسرا یہ کہ چھوٹے چھوٹے اور پرکشش جملے۔ بہت جلد طلباء کی زبان پر چڑھ جاتے ہیں۔ اور از بر ہو جاتے ہیں۔

برائے درجہ ثانیہ شروحات زادالطالبین

تیسرا فائدہ یہ کہ چونکہ احادیث فکری اور عملی زندگی سے تعلق رکھتی ہیں۔ اس لئے تہذیب افکار، اصلاح عقائدہ تطہیر اخلاق ، اور تزکیہ نفوس میں بھی معاون ثابت ہوگی۔ چوتھا فائدہ یہ کہ اس کتاب سے نحوی اور لغوی قواعد کا اجراء ہو جاتا ہے۔ جس سے ذہنوں میں وسعت اور فن میں پختگی آجاتی ہے۔ اور طالب علم ایک محدود دائرے میں محبوس نہیں رہتا۔ اور اس کے سامنے یہ بات واضح ہو جاتی ہے۔ کہ فنی قواعد کی رعایت صرف عربی شعراء کے کلام میں ہی نہیں ہے۔ بلکہ ان سے معلم انسانیت محمدرسول اللہ ﷺ کی احادیث ادب اور لغت اور صرف ہی نہیں۔ معانی اور بیان ، نفسیات اور اخلاقی علوم اور معارف کا خزینہ ہیں۔ ان گوناں گوں فوائد کے پیش نظر اس کتاب کو بے پناہ مقبولیت حاصل ہوئی۔ چنانچہ ہندو پاک کے بے شمار مدارس میں یہ نصاب میں داخل ہے۔ وفاق المدارس نے بھی اسے اپنے نصاب میں شامل کر رکھا ہے۔اور شعبہ بنین میں تقریبا مکمل۔ جبکہ شعبہ للبنات میں سال اول کی طالبات کو  یہ کتاب(ترکیب باب اول تا ذکر مغیبات) پڑھائی جاتی ہے۔

اردو شروحات زاد الطالبین pdf فری ڈاؤن لوڈ

شروحات زاد الطالبین برائے درجہ ثانیہ پی ڈی ایف

درجہ ثانیہ میں پڑھائی جانے والی کتاب زاد الطالبین کی اردو شروحات یہاں موجود ہیں۔اور طلباء کرام کو تلاش کی مشقت سے بچانے کے لیے تمام کتب کو یک جا جمع کردیا گیا ہے۔ پھر بھی اگر کسی طالب/طالبہ کو کتاب ڈاؤن لوڈ کرنے میں مشقت کا سامنا ہے تو کمنٹس باکس میں رابطہ کریں۔ آپ کی مطلوبہ کتب آپ تک پہنچ جائے گی۔