ثانوی تعلیمی بورڈ، کراچی نے دہم جماعت جنرل گروپ (ریگولر و پرائیویٹ) اور سماعت و گویائی سے محروم طلباء وطالبات کے سالانہ امتحانات نہم و دہم ۔2024 کے نتائج کا اعلان آج 30 اگست 2024 کو شام 8 بجے کر دیا،
تینوں پوزیشنز طالبات نے حاصل کرلیں۔
کراچی بورڈ نے میٹرک کے نتائج 2024 کا اعلان کر دیا
کراچی ثانوی تعلیمی بورڈ کراچی کے چیئر مین سید شرف علی شاہ کی خصوصی ہدایات پر قائم مقام ناظم امتحانات طارق کریم نے جماعت دہم جنرل گروپ ریگولر و پرائیویٹ اور سماعت و گویائی سے محروم طلباء و طالبات کے سالانہ امتحانات جماعت نہم و دہم برائے سال 2024 ء کے نتائج کے اجراء کا اعلان کر دیا۔ یہ نتائج بورڈ کی ویب سائٹ پر اور بورڈ کے آفیشل واٹس اپ چینل پر دیکھے جاسکتے ہیں۔
BSEK Result 2024 Karachi Board Announced | www.bsek.edu.pk result
The Board of Secondary Education, Karachi, has announced the results of the annual examinations of classes 9th and 10th (General Group – Regular and Private) and for students with hearing and speech impairments for the year 2024 today, August 30, 2024, at 8:00 PM. Board Of Secondary Education Karachi Result 2024 check by roll number, name and SMS۔ Students can download the BSEK Gazette Result 2024 from this page.
اس موقع پر سیکریٹری بورڈ ڈاکٹر نوید احمد نے کہا کہ نتائج کو جلد از جلد جاری کرنے میں اساتذہ کرام و بورڈ کے عملے نے شب و روز امور کی انجام دہی کو یقینی بنایا۔ جنرل گروپ ریگولر اور پرائیویٹ کے امتحانات میں 16384 امیدوار رجسٹرڈ ہوئے اور 16131 امیدوار امتحانات میں شریک ہوئے جبکہ 253 امیدوار غیر حاضر رہے، اس سال جنرل گروپ ریگولر میں تینوں پوزیشنیں اقر احفاظ اسکول کی طالبات نے حاصل کیں۔
نتائج کے مطابق اقر احفاظ گرلز سیکنڈری اسکول الحمر سوسائٹی ٹیپو سلطان روڈ کی لائبہ بنت محمد وسیم رول نمبر 552134 نے 88.45 فیصد نمبر حاصل کر کے پہلی ، اقر احفاظ گرلز سیکنڈری اسکول الحمر اسوسائٹی ٹیپو سلطان روڈ کی حبیبہ منیر بنت منیر احمد رول نمبر 552129 نے 88.18 فیصد نمبر کے ساتھ دوسری جبکہ اقر احفاظ گرلز سیکنڈری اسکول بلاک B نارتھ ناظم آباد کی انشر ابنت محمد توفیق رول نمبر 550770 نے 88.09 فیصد نمبر کے ساتھ تیسری پوزیشن حاصل کی۔
تفصیلات کے مطابق جنرل گروپ ریگولر میں 10845 امیدوار امتحانات میں شریک ہوئے ہوئے جن میں 2858 طلباء اور 7817 طالبات شامل ہوئے جبکہ کامیابی کا تناسب 62.65 فیصد رہا۔ کامیاب امیدواروں میں 93 اے ون گریڈ ، 846 اے گریڈ ، 2085 بی گریڈ ، 2581 سی گریڈ ، 1056 ڈی گریڈ اور 27 نے ای گریڈ حاصل کیا۔ اسی طرح پرائیویٹ جنرل گروپ میں 5456 امیدوار امتحانات میں شریک ہوئے ، جن میں 3635 طلباء اور 1821 طالبات شامل ہیں ۔ پرائیویٹ گروپ میں کامیابی کا تناسب 5143 فیصد رہا۔کامیاب امیدواروں میں 8 اے ون گریڈ ، 192 اے گریڈ 189 بی گریڈ ، 1268 سی گریڈ ، 537 ڈی گریڈ اور 12 نے ای گریڈ حاصل کیا ۔
تمام جنرل ریگولر اور پرائیویٹ میں مجموعی کامیابی کا تناسب 58.86 فیصد رہا۔ مزید براں سماعت و گویائی سے محروم خصوصی طلباء وطالبات میں دیوا اکیڈمی فار دی ڈیف گلشن اقبال کے امجد اعظم ولد محمد اعظم نے 87.45 فیصد نمبر کے ساتھ پہلی، دیول اکیڈمی فار دی ڈیف گلشن اقبال کی مریم بی بی بنت تنویر احمد نے 89.36 فیصد نمبر کے ساتھ دوسری جبکہ دیول اکیڈمی فار دی ڈیف گلشن اقبال کے طلحہ احمد ولد واصل احمد نے 89.00 فیصد نمبر کے ساتھ تیسری پوزیشن حاصل کی۔ یہ تینوں پوزیشنز دیوا اکیڈمی فار دی ڈیف بلاک 3 گلشن اقبال کے طلباء و طالبات نے حاصل کیں۔
